ကျောင်းတော်ကအပြန်
---------------
ခရမ်းပြာထက်လူ
အိပ်မပျော်ဖြစ်တိုင်း
တိတ်တဆိတ် သစ်ပင်တွေဆီထွက်သွား
စကားစမြည်ပြောနေတတ်တယ်
( ရှင်သန်ပုံကိုသင်ယူလို့ )
အိပ်မပျော်ဖြစ်တိုင်း
တောင်ကုန်းတခုပေါ်တက်ပြီး
အိမ်တွေကိုဆီးကြည့် သွေးပူလေ့ကျင်ခန်းယူနေတတ်တယ်
( နေထိုင်ပုံကိုသင်ယူလို့ )
လရောင်ရိုက်ဖွင့်လို့
ပြတင်းတံခါးပွင့် လွင့်စင်သွားတိုင်း
သူ့ဆံပင်ကိုဆွဲနှုတ်
ကြယ်တွေကိုကြိုးကွင်းလုပ်ပစ်ဖမ်းနေတတ်တယ်
( မြင့်မြတ်ပုံကိုသင်ယူလို့ )
တညမှာတော့
သူဟာ
ဒဏ်ရာတွေကို ဟိုစပ် ဒီစပ် ဆက်စပ်ရင်းဖြန့်ခင်း
( သီချင်းကလေးညည်းလို့ )
အလွယ်တကူ ပဲ
မြို့ကြီးကိုထည့်ထုပ် ထွက်သွားတော့လေရဲ့။
ရုပ်ရှင်တေးကဗျာမဂ္ဂဇင်း၊
အောက်တိုဘာလ၊ ၁၉၉၅ ခုနှစ်
Comments
Post a Comment