နွေဦးတေး Spring Song

  --------- လူပအောင် မြစ်ကိုငေးကြည့်မိရဲ့ တသွင်သွင်စီးနေတဲ့ ရေအလျင်မှာ ဘယ်သူတွေ ရှင်သန်ပြီး ဘယ်သူတွေ သေဆုံးသွားကြသလဲ ။ ကိုယ်မေးထားတဲ့ မေးခွန်း ကိုယ်တိုင် ပြန်ဖြေ ဖို့ ခက်နေတဲ့ ည နေခင်း အခု ကျ နေတာ သင်ခါရ နှင်းတွေများ လား ရေထိုးရင်း တိုက်စားရင်း ဘဝမှာ ရေနှစ်ခါ ချိုးခဲ့ဘူး သလား စိတ်တဖျတ်ဖျတ် တစ်စိတ်ပြီး တစ်စိတ် စိတ် ဒလနင်းကြမ်း မှာ ပန်းသတင်းနဲ့ လေညင်းကို ဆောင်စေ တိတ်တဆိတ် မေတ္တာ ချွေမိတယ် အတိတ် မှောင်မိုက် နေ့ရက်မှား အိုစာ သွားပြီး နောက် ။ မ ဟေ သီ မဂ္ဂဇင်း ၂၀၁၁

ခက်သီ သူရဲကောင်းလည်း မဖြစ်ချင်ဘူး အာဇာနည်လည်းမဖြစ်ချင်ဘူး ပျော့ညံ့သွေးကြောင်သူလည်း မဖြစ်ချင်ဘူး ။ မိုက်ရူးရဲလည်း မဖြစ်ချင်ဘူး တွေဝေခြောက်ခြားသူလည်း မဖြစ်ချင်ဘူး ကိုယ့်ကိုယ်ကို ပြန်အရှက်ရသူလည်း မဖြစ်ချင်ဘူး ။ လျာဖြတ်ခံရတဲ့ပြောရေးဆိုခွင့်ကို ကြုံဖူးတယ် အကျဉ်းချခံရတဲ့ လူ့အခွင့်အရေးတွေ နေဖူးတယ် သားကြောဖြတ်ခံရတဲ့ နေရက်တွေနဲ့ ရှင်သန်ဖူးတယ် ငါတို့ ငရဲကို ငါတို့နဲ့ပဲ အဆုံးသတ်ချင်တယ် ။ ရေပေါ်ဆီ နိုင်ငံရေးသမားမဖြစ်ချင်ဘူး စိတ်ကူးယဉ်ကဗျာဆရာ မဖြစ်ချင်ဘူး အဓမ္မဝါဒကို ထောက်ခံတဲ့လူတယောက်မဖြစ်ချင်ဘူး ။ ရှင်သန်မှုဟာ တမိနစ်ပဲကျန်တော့မယ်ဆိုရင် အဲ့ဒီတမိနစ်ကိုတောင် လိပ်ပြာသန့်သန့်နေချင်တယ် ။     ။ #ခက်သီ 14.2.2021

----------- လှသန်း သူမ က ကျကွဲသွားတဲ့ ယဉ်ကျေးမှု ကျွန်တော်က  မပျော်ရွှင်တဲ့ သမိုင်း လှိုင်းလုံးကြီးတွေ တစ်လုံးပြီးတစ်လုံး ဖြတ်မောင်းသွားတာကို ကျွန်တော်ချောင်းကြည့်နေမိရဲ့ ကလေးတစ်ယောက် ရဲ့ ဦးခေါင်းထဲကို ရောင်စုံခဲတံတွေ ထိုးထည့်ခဲ့ကြတယ် ငွေနဲ့ အညို့ခံနေရတဲ့ ဘဝ ငွေနဲ့ အညို့ခံနေရတဲ့ အချိန်ကာလ တစ်ဆို့ နေတဲ့ လည်ပင်းထဲကို ရှောရှော ရှုရှု သီချင်းတစ်ပုဒ်လောက် ဘယ်တော့များမှ စီးဆင်းပါ့ မလဲ ။ မဟေသီ မဂ္ဂဇင်း ၂၀၀၆