ဆိုက်ဘာကဖေးထဲက ကလုံး
------------------------ ကြည်ဇော်အေး သူ့ဆီပို့ထားတာတွေ ဖတ်ပြီးတဲ့နောက် သူပို့စရာရှိတာတွေ ပြန်ပို့ပြီးတဲ့နောက် သူဆွဲချ စရာရှိတာတွေ ဆွဲချ ပြီးတဲ့နောက် သူလျှောက်ကြည့်တယ် လျှောက်ချက်တယ်ဆိုရင် ပိုမှန်မယ် ချက်ရွမ်းထဲဝင်ပြီး မဖွယ်မရာစာသားတွေနဲ့ဆက်ဆံ အပြန်အလှန်နှီးနှော သူ့တစ်နေ့တာကို ဒီလိုဖြုန်းပစ်ခဲ့တာ နှစ်တွေအတော်ကြာရောပေါ့ နှစ်တွေအတော်ကြာရောပေါ့ ဆိုပေမဲ့ သူ အဲဒီနှစ်တွေမှာ ပျော်ပိုက်ခဲ့မပျော်ပိုက်ခဲ့ သူ့ စက်လေးလာတယ် သူ့လှုပ်ရှားမှုတွေလည်း လေးလာတယ် သူ အချက်အလက်တွေအများကြီးထဲ့ထားခဲ့လို့လား သူ့ဆီရောက်လာတဲ့ မေးလ်တွေက ဝမ်းမြောက်ကြောင်းသဝဏ်လွှာတွေချည်းပဲ သူပြန်ပို့လိုက်သမျှက ဝမ်းနည်းကြောင်းသဝဏ်လွှာတွေချည်းပဲ သူဆွဲချခဲတာတွေကလည် အောင်မြင်ပျော်ရွှင်တဲ့ မိသားစုဘဝကိုပိုင်ဆိုင်ထားကြသူများ ဆိုလားပဲ လက်ရှိသူဘဝအပေါ်မှာ သာသာယာယာရှိရဲ့လားဆိုတာ သူမသိ သူ့လိုလူတစ်ယောက်ကို ပညာရှင်တွေက အကြောင်းမဲ့စောင့်ကြည့်နေတာတော့ဟုတ်ဟန်မတူဘူးဆိုတာလောက်ပဲ သူသိတယ် ဟုတ်ဟန်မတူဘူးဆိုတာလောက်ပဲ သိတယ်ဆိုတာကလည်း အကြောင်းမဲ့မဟုတ်ဘဲ ဆက်စပ်တွေးတောကြည့်လို့ သိတာပါလို့ မလိုအပ်ဘဲ ရှင်းပြနေတတ်တယ် မလို အပ်ပဲ ရှင်းပြနေတယ်ဆိုတာကလည်း ကျဉ်းမြောင်း...